کوٹ ادو(این این آئی)کوٹ ادو کے علاقہ دائرہ دین پناہ میں شادی شدہ خاتون کے ساتھ 2 رشتے داروں نے مبینہ طور پر زیادتی کی ہے۔متاثرہ خاتون نے الزام عائد کیا کہ 7 اکتوبر کو بہانے سے گھر بلا کر زیادتی کی گئی اور ویڈیو بنائی گئی، ملزمان ویڈیو وائرل کرنے کی دھمکی دے کر بلیک میل کرتے رہے۔

متاثرہ خاتون کے مطابق بلیک میل کر کے ایک ملزم نے21 اکتوبر کو بھی زیادتی کی کوشش کی۔خاتون کے شوہر کی مدعیت میں ایک خاتون سمیت 3 ملزمان کے خلاف پولیس نے مقدمہ درج کر لیا ہے۔پولیس کے مطابق خاتون کا میڈیکل کروایا جا رہا ہے اورتحقیقات بھی جاری ہیں، مقدمے میں نامزد ملزمان کی گرفتاری کیلئے چھاپے مارے جا رہے ہیں۔ذرائع کے مطابق ملزمان میں ایک خاتون کے چچا کا بیٹا اور دوسرا پھپھو کا بیٹا ہے۔