اسلام آباد(این این آئی)این ڈی ایم اے کے نیشنل ایمرجنسی آپریشن سینٹر (این ای او سی)نے27تا28 اگست 2024 کے دوران پنجاب اورسندھ میں گرج چمک کے ساتھ بارش کی پیش گوئی کی ہے،ہوائوں کا سلسلہ اس وقت گجرات، انڈیا کے قریب موجودہی جس کے زیر اثر سندھ کے بیشتر علاقوں سمیت جنوب مشرقی پاکستان میں اثرات مرتب ہوں گے۔اس سلسلے کے زیر اثر سندھ کے مختلف اضلاع بشمول نگرپارکر، تھرپارکر، ٹھٹھہ، بدین،سجاول،دادو سانگھے، ٹنڈو اللہ یار، ٹنڈو محمد خان، عمرکوٹ اور مٹیاری میں آئندہ 36 سے 48 گھنٹوں کے دوران موسلادھار بارش کا امکان ہے۔

صوبہ پنجاب کے بیشتر علاقوں میں مون سون کا سلسلہ موجود ہے اور اگلے 36 سے 48 گھنٹوں میں مختلف مقامات پر موسلادھار بارشوں کا باعث بنے گااس سلسلے کے زیر اثر راولپنڈی/اسلام آباد، خطہ پوٹھوہار، شمال مشرقی پنجاب، وسطی اور جنوبی پنجاب، گوجرانوالہ، لاہور اور ساہیوال ڈویژن سمیت اٹک، مری، گلیات، چکوال، تلہ گنگ، جہلم، بہاولنگر، بہاولپور، رحیم یار خان، ڈیرہ غازی خان، راجن پور، لیہ، مظفر گڑھ، فیصل آباد، جھنگ، ٹوبہ ٹیک سنگھ، چنیوٹ، ملتان، خانیوال، لودھراں، خانپور، سرگودھا، میانوالی، خوشاب، بھکر، کوٹ ادو، منڈی بہاالدین کے مختلف علاقوں میں وقفے وقفے سے بارش کا امکان ہے۔موسلادھار بارش کے باعث شہروں میں سیلابی صورتحال جبکہ مقامی ندی نالوں میں بہا میں اضافے کا امکان ہے۔

موسلادھار بارش اورآندھی سے روزمرہ کے معمولات متاثر ہو سکتے ہیں، کمزور تعمیرات،کچے مکانات کی چھت/دیوار گرنا، بجلی کے کھمبے، بل بورڈ، گاڑیاں اور سولر پینل وغیرہ متاثر ہو سکتے ہیں۔این ڈی ایم اے تمام متعلقہ اداروں کو ہدایات جاری کی ہیں وہ سیلاب اور تیز بارشوں کے باعث پیدا ہونے والی ممکنہ ہنگامی صورتحال سے نمٹنے کے لیے ضروری احتیاطی تدابیر اختیار کریں۔ ایمرجنسی رسپانس ٹیموں کو الرٹ کرنے کے ساتھ ساتھ کسی بھی ممکنہ ہنگامی صورتحال پر فوری رسپانس کو یقینی بنانے کے لیے وسائل کی دستیابی کو یقینی بنانے کی بھی ہدایت کی ہے۔ عوام سے التماس ہے سیلابی صورتحال سے بچا کے لیے احتیاطی تدابیر اپنائیں۔