ممبئی (این این آئی)نومسلم بھارتی اداکارہ راکھی ساونت کی والدہ کینسر سے جان کی بازی ہار گئیں۔بگ باس سیزن سے مشہور ہونے والی راکھی ساونت کی والدہ گزشتہ تین برس سے کینسر میں مبتلا تھیں، بھارتی میڈیا کے مطابق اداکارہ نے اپنی والدہ کی موت کی تصدیق کر دی ہے۔راکھی ساونت نے بتایا کہ ان کی ماں نہیں رہیں، ان کے بہت سارے اعضاء فیل ہوچکے تھے اور وہ بہت خطرناک صورتحال میں تھیں۔اداکارہ نے روتے ہوئے میڈیا کو بتایا کہ ان کی والدہ کا کینسر گردوں سے پھیل کر پھیپھڑوں تک چلا گیا تھا۔واضح رہے کہ راکھی ساونت نے حال ہی میں عادل فاروقی سے شادی کی ہے اور اسلام قبول کیا ہے۔