نئی دہلی (مانیٹرنگ ڈیسک) بھارت کے معروف عالمی شہرت یافتہ شاعر منور رانا نے بابری مسجد کے لئے پانچ ایکڑ زمین عطیہ کرنے کا اعلان کر دیا ہے، معروف شاعر نے بھارتی وزیراعظم کو خط لکھا جس میں انہوں نے بابری مسجد کی تعمیر کے لئے رائے بریلی میں دریا کنارے اپنی پانچ ایکڑ زمین عطیہ کرنے کی پیشکش کر دی ہے، انہوں نے اپنے خط میں لکھا کہ حکومت کی طرف سے

بابری مسجد کے لئے پانچ ایکڑ زمین دھنی پور میں مختص کی گئی ہے اس زمین پر ہسپتال بنا دیا جائے اور میری زمین پر بابری مسجد تعمیر کی جائے۔ دھنی پور میں حکومت نے بابری مسجد کے لئے جگہ دور دراز علاقے میں رکھی ہے بہتر ہو گا کہ وہاں ہسپتال بنا دیا جائے، میری زمین ایک تاریخی، مذہبی اور ثقافتی شہر ہے اور یہاں تک رسائی بھی آسان ہے یہاں مسجد تعمیر کی جائے۔

موضوعات:بابری مسجد