اسلام آباد (مانیٹرنگ ڈیسک) سی ایس ایس کے امتحان میں عمر کی رعایت اور امتحان میں اضافی طور پر حصہ لینے کی اجازت سے متعلق سمری وفاقی کابینہ کو منظوری کیلئے بھیج دی گئی ،یہ بات وزیراعظم کے معاون خصوصی برائے اسٹیبلشمنٹ شہزاد ارباب نے

سماجی رابطے کی ویب سائٹ ٹوئٹر پر ایک طالبہ کے سوال کے جواب میں بتائی۔ طالبہ آمنہ مہمند نے سی ایس ایس کے خصوصی امتحان کے انعقاد کے بارے میں استفسار کیا تھا جو 2020میں ہونا ہے۔ شہزاد ارباب نے بتایا کہ یہ کابینہ کا اختیار ہے۔سمری بھیج دی گئی ہے ۔