اسلام آباد (این این آئی)پیپلز پارٹی نے ملک بھر میں قید غریب قیدیوں کو رہا کروانے کا فیصلہ کرلیا۔ میڈیا رپورٹ کے مطابق پیپلزپارٹی نے غریب قیدیوں کا جرمانہ ادا کر کے رہا کروانے کا فیصلہ کرلیا،ڈپٹی چیئرمین سینیٹ سلیم مانڈوی والا نے تمام صوبوں کے آئی جی جیلز کو خط لکھ دیا۔ڈپٹی چیئرمین سینیٹ سلیم مانڈوی والا نے چاروں صوبوں میں
قید غریب قیدیوں کا ریکارڈ طلب کرلیا، خط میں کہاگیاکہ جیلوں میں قید غریب قیدیوں کا تمام ریکارڈ فراہم کیا جائے۔سلیم مانڈوی والا نے کہاکہ جرمانہ ادا نہ کرنے کے باعث کئے غریب قیدی جیلوں میں قید کاٹنے پر مجبور ہیں۔ سلیم مانڈوی والا نے کہاکہ تمام غریب قیدیوں پر عائد جرمانہ ادا کر کے رہا کروانے کے لئے اقدامات کئے جائیں گے۔
