اسلام آباد (مانیٹرنگ ڈیسک) پٹرولیم مصنوعات کی قیمتوں میں ردو بدل کا نوٹیفکیشن جاری کر دیا گیا، حکومت نے پٹرول کی قیمت میں ایک روپے فی لٹر اضافہ کر دیا ہے، پٹرولیم مصنوعات کی قیمتوں میں اضافے کا نوٹیفیکیشن وزارت خزانہ نے جاری کر دیا ہے، نوٹیفیکیشن کے مطابق پٹرول کی قیمت میں ایک روپیہ فی لٹر اضافہ کیا گیا ہے، تیل کی فی لٹر نئی قیمت 114.24 روپے
ہو گئی ہے۔ مٹی کے تیل کی قیمت میں فی لٹر 2.39 روپے کی کمی کی گئی ہے، ہائی سپیڈ ڈیزل کی قیمت میں 0.27 پیسے فی لٹر اضافے کی منظوری دی گئی ہے، ہائی اسپیڈ کی فی لٹر قیمت 127.41 روپے ہو گئی ہے۔ لائٹ ڈیزل کی قیمت میں 6.56 روپے فی لٹر کمی کی منظوری بھی دی گئی ہے۔نئی قیمتوں کا اطلاق یکم نومبر سے ہو جائے گا۔
