لاہور(این این آئی) مسلم لیگ (ن)کی ترجمان مریم اورنگزیب نے سابق وزیراعظم محمد نواز شریف کی صحت سے متعلق میڈیا میں گردش کرنے والی اطلاعات کی تردیدکرتے ہوئے کہاکہ محمد نواز شریف کی صحت الحمداللہ بہتر ہورہی ہے،محمد نواز شریف کے خون کے معائنہ کی رپورٹ ابھی آنا باقی ہے۔انہوں نے کہاکہ میڈیا میں پھیلائی جانے والی اطلاعات بے بنیاد اور قطعی غلط ہیں۔میڈیا سے درخواست ہے کہ اس حوالے سے کوئی بھی خبر بغیر تصدیق نہ چلائی جائے۔محمد نواز شریف سے محبت رکھنے والے عوام اور کارکنان کے دل اس طرح کی بے بنیاد خبروں سے مجروح ہوتے ہیں اور
جذبات کو ٹھیس پہنچتی ہے۔