لاہور(آئی این پی) (ن) لیگ نے لاہور میں ضمنی انتخابات میں مبینہ دھاندلی روکنے کیلئے حکمت عملی تیار کر لی‘(ن) لیگ کے قائد نوازشر یف نے فارم45لینے کیلئے حمزہ شہباز،سعدرفیق،پرویز ملک، خواجہ عمران نذیر اور سردارایازصادق سمیت مرد وخواتین کارکنان کو ایم اے او کالج آرآفس پہنچنے کی ہدایات کردی ‘کارکنوں کی 100سے زائد ٹیمیں بھی تشکیل دیدیں جو پولنگ اسٹیشنز سے آر او آفس تک گاڑیوں کے ساتھ رہیں گئے ‘کارکنان اس دوران موبائل فون سے ویڈیو بھی بنائیں گے۔ ذرائع کے مطابق

جب تک حتمی نتائج موصول نہیں ہو جاتے اس وقت تک قائدین اور کارکنان آر او آفس نزد عامر ہوٹل کے باہر موجود رہیں گے(ن) لیگ کے قائد نوازشر یف نے ہدایت کی ہے کہ مسلم لیگ ن کے کارکنان رزلٹ چوری ہونے سے بچانے کیلئے آج شام چھ بجے ایم اے او کالج آرآفس پہنچیں جب تک فارم 45پر حتمی رزلٹ موصول نہ ہوں اس وقت تک آراو آفس سے واپس نہ جائیں‘ مسلم لیگ ن کے رہنما حمزہ شہباز،سعدرفیق،پرویز ملک، خواجہ عمران نذیر اور سردارایازصادق بھی ایم اے او کالج آرآفس پہنچیں گے۔