میانوالی (مانیٹرنگ ڈیسک) ضمنی انتخابات 14 اکتوبر کو ہونے جا رہے ہیں لیکن میانوالی کے اہم ترین حلقہ پی پی 87 کا رزلٹ پہلے سامنے آ گیا ہے، ایک نجی ٹی وی چینل کی رپورٹ کے مطابق تحریک انصاف کے احمد خان کو بلامقابلہ کامیاب قرار دے دیا گیا ہے، تحریک انصاف کے رہنما احمد خان بھچر کے علاوہ پی پی 87 میانوالی
سے دو امیدوار میدان میں تھے، اس حلقے سے ن لیگ کی امیدوار عائشہ سمیعہ قاضی دستبردار ہوگئیں، ان کے علاوہ آزاد امیدوار محمد رفیع مقابلے سے دستبردار ہو گئے، تحریک انصاف کے مقابلے میں دونوں امیدواروں کے دستبردار ہونے پر الیکشن کمیشن نے احمد خان کی کامیابی کا نوٹیفکیشن جاری کر دیا ہے۔
