لاہور(آئی این پی ) شہبازشریف کو الیکشن سے پہلے رہا نہ کیا تو پھر کیا کرینگے؟ ن لیگ نے حکومت اور نیب کو انتہائی اقدام کی دھمکی دیدی، دھماکہ خیز اعلان، پاکستان مسلم لیگ (ن)نے شہبازشریف کی گرفتاری کے خلاف مذمتی قرارداد پنجاب اسمبلی میں جمع کرادی جس میں کہا گیا ہے کہ الیکشن سے قبل گرفتاری نے کئی سوالات اٹھا دیئے ہیں،ضمنی انتخابات میں شکست کے خوف سے شہباز شریف کو گرفتار کیا گیا ۔ ہفتہ کو مسلم لیگ (ن)کی رکن پنجاب اسمبلی حنا پرویز بٹ کی جانب سے شہبازشریف کی گرفتاری کے خلاف مذمتی

قرارداد اسمبلی میں جمع کرائی گئی جس کے متن میں کہا گیا ہیکہ اپوزیشن لیڈر شہباز شریف کی گرفتاری کی شدید مذمت کرتے ہیں، نیب نے اختیارات سے تجاوز کرتے ہوئے اپوزیشن لیڈر کو گرفتار کیا۔قرارداد میں مزید کہا گیا ہے کہ ضمنی انتخابات میں شکست کے خوف سے شہباز شریف کو گرفتار کیا گیا، الیکشن سے قبل گرفتاری نے کئی سوالات اٹھا دیئے ہیں، ناکام حکومت کو چلانے کیلئے ایسے اوچھے ہتھکنڈے استعمال کیے جا رہے ہیں۔ شہبازشریف کو ضمنی الیکشن سے پہلے رہا نہ کیا گیا تو ملک بھر میں احتجاج کریں گے۔