لاہور( این این آئی)وزیر اعظم اور پاکستان تحریک انصاف کے چیئرمین عمران خان کی نااہلی کے لیے مسلم لیگ (ن)کے رہنما حنیف عباسی کی نظرثانی درخواست سماعت کے لیے مقرر کردی گئی،چیف جسٹس پاکستان جسٹس میاں ثاقب نثار کی سربراہی میں جسٹس عمر عطا بندیال اور جسٹس فیصل عرب پرمشتمل تین رکنی بینچ 10اکتوبر کو سماعت کرے گا۔حنیف عباسی نے عمران خان اور جہانگیر ترین پر اثاثے چھپانے اور آف شور کمپنیاں

رکھنے کا الزام عائد کرتے ہوئے انہیں نااہل قرار دینے کی علیحدہ علیحدہ درخواستیں سپریم کورٹ میں دائر کی تھیں۔گزشتہ سال 15 دسمبر کو سپریم کورٹ نے درخواستوں پر فیصلہ سناتے ہوئے عمران خان کو اہل جبکہ جہانگیر ترین کو نااہل قرار دے دیا تھا۔گزشتہ ہفتے عدالت عظمی نے عمران خان سے متعلق سپریم کورٹ کے فیصلے پر نظرثانی کے لیے حنیف عباسی کی فل بینچ تشکیل دینے کی درخواست مسترد کردی تھی۔