اسلام آباد(آئی این پی) سینیٹ میں قائد ایوان راجہ ظفرالحق نے انتخابی دھاندلی کی تحقیقات کے لئے قائم پارلیمانی کمیٹی کیلئے5اپوزیشن ارکان نامزدکردیئے ، سینیٹر جاویدعباسی، اسدجونیجو، رحمان ملک، عثمان خان کاکڑاور مولاناعبدالغفورحیدری کے نام چیئرمین سینیٹ کوبھجوادیئے گئے ۔تفصیلات کے مطابق راجہ ظفرالحق نے انتخابی دھاندلی کی تحقیقات
کے لئے قائم کمیٹی کیلئے5اپوزیشن ارکان نامزدکردیئے ہیں ،نامزدارکان میں ن لیگ کے جاویدعباسی اوراسدجونیجو، پاکستان پیپلز پارٹی کے رحمان ملک، پختونخوا ملی عوامی پارٹی کے عثمان خان کاکڑاور جے یو آئی (ف) کے مولاناعبدالغفورحیدری کے نام شامل ہیں راجہ ظفرالحق نے نامزد ارکان کے نام چیئرمین سینیٹ کوبھجوادیئے ہیں۔
