راولپنڈی (نیوز ڈیسک) حکومت پاکستان نے برطانیہ کو مطلوب اڈیالہ جیل میں قید سات افراد کے قتل میں مطلوب ملزم کو نیشنل کرائم ایجنسی انگلینڈ کے حوالے کردیا۔ ملزم کو لے جانے کیلئے آنے والے خصوصی طیارے کے ذریعے برطانیہ میں غیر قانونی قیام پر ڈی پورٹ کئے گئے 30 پاکستانی بھی اسلام آباد پہنچا دیئے گئے،

جنہیں ایف آئی اے امیگریشن نے پوچھ گچھ کے بعد اپنے اپنے گھروں کو جانے کی اجازت دے دی، واضح رہے کہ پاکستان نے سنگین جرائم میں مطلوب مجرم کو برطانیہ کے سپرد کر دیا،پاکستان کو مطلوب مجرمان کی برطانیہ سے ملک واپسی کی راہ ہموار ہو گی، ذرائع کے مطابق ایف آئی اے نے 7 افراد کے قتل کا ملزم برطانیہ کے حوالے کر دیاشاہد محمود کو یو کے میں 2002 میں 7 افراد کے قتل کے مقدمہ درج ہے ،قتل کی واردات کے بعد ملزم پاکستان آیا، ایف آئی اے نے کہا ہے کہ ملزم پر ایک گھر کو جلا کر 7 افراد کو جھلسا کر مارنے کی تحقیقات کی جا رہی تھیں، برطانیہ سے سپیشل چارٹڈ طیارے میں شاہد محمود کو لے جایا جا رہا ہے، ملزم کو نیشنل کرائم ایجنسی برطانیہ کے نمایندوں کے سپرد کر دیا گیا ہے، ذرائع کے مطابق شاہد محمود پر برطانیہ میں کریمنل ٹرائل کیا جائے گا،مجرم شاہد محمد اڈیالہ جیل میں قید تھا، ایف آئی اے سیکشن 11 آف ایکسٹراڈیشن ایکٹ 1972 کے تحت مجرم کو برطانیہ حکومت کے حوالے کیا گیا ہے۔ دوسری جانب قتل سمیت متعدد مقدمات میں مطلوب ملزم انٹرپول کے ذریعے پاکستان پہنچ گیاجبکہ ملزم محمد احمد کا نام ای سی ایل میں شامل کر دیا گیا محمد احمدقتل کے مقدمہ میں لاہور پولیس کوانتہائی مطلوب تھا جسے نجی ایئرلائین کی پرواز ایس وی 724 کے زریعے جدہ سے اسلام آباد انٹرنیشنل ایئرپورٹ پہنچایا گیا ابتدائی کاروائی کے بعدایف آئی اے حکام نے ملزم کو تھانہ ٹبی لاہور پولیس کے حوالے کردیا ہے۔