اسلام آباد(مانیٹرنگ ڈیسک) کیا کوئی ڈیل ہوئی ہے؟صحافی کے سوال پر شہباز شریف برس پڑے، رانا مشہود کو شوکاز نوٹس دینے کا اعلان کر دیا۔ تفصیلات کے مطابق شہباز شریف کی احتساب عدالت آمد پر ایک صحافی نے ن لیگ کے صدر سے سوال کیا کہ کوئی ڈیل ہوئی ہے؟ جواب میں شہباز شریف نے ناراضی کا اظہار کرتے ہوئے کہا کہ آپ ایسی بات کریں جس کا کوئی سر پیر ہو

۔شہبازشریف نے کہا کہ رانا مشہود کے بیان پر پارٹی نے مؤقف دے دیا ہے، انہوں نے غیر ذمہ دارانہ بات کی جس پر انہیں شوکاز نوٹس جاری کروں گا۔واضح رہے کہ گزشتہ روز رانا مشہودکے بیان پر پاک فوج کی جانب سے بھی شدید ردعمل سامنے آیا تھا اور ترجمان پاک فوج میجر جنرل آصف غفور نے رانا مشہود کے بیان کو مسترد کر دیا تھا اور اس پر افسوس کا اظہار کیا تھا۔

موضوعات:احتساب عدالت رانا مشہود بیان شہباز شریف