اثاثوں کی نیلامی پر اسحاق ڈار شدید متشعل،ملک کے مفاد میں اپنامنہ بند کیا ہو ا ہے جب میرا منہ کھلا تو ساری دنیا دیکھے گی ،انتہائی اقدام کی دھمکی دیدی اسلام آباد(آن لائن) سابق وفاقی وزیر خزانہ اسحاق ڈار نے کہا ہے کہ ڈکٹیٹر کے گھر کو ڈی سیل کیا جا رہا ہے اور میر ااثاثے نیلا م کئے جا رہے ہیں، جب میری صحت اجازت دے گی تو میں ملک واپس آؤں گا،
مجھ سے متعلق ٹیکس بچانے کا الزام غلط ہے ،میری کوئی فیکٹری نہیں چلتی جس کے لئے ٹیکس بچاؤں۔ منگل کو نجی ٹی وی سے گفتگو کرتے ہوئے اسحاق ڈار نے کہا ہے کہ میں لندن میں خوشی سے نہیں بیٹھا ہوا اور نہ ہی یہاں جھوٹی رپورٹیں بنتی ہیں، میں بیمار ہوں اور روزانہ کی بنیاد پر اپنا چیک کراتا ہوں مجھ سے متعلق ٹیکس بچانے کا الزام غلط ہے میری کوئی فیکٹری نہیں چلتیں جس کے لئے ٹیکس بچاؤں میرے تمام اثاثے ظاہر ہیں ڈکٹیٹر کے گھر کو ڈی سیل کیاجا رہاہے اور میرے اثاثے نیلام کئے جا رہے ہیں انہوں نے کہا کہ جب میری صحت اجازت دی گی تو میں پاکستان واپس آؤں گا یہ میرا ملک ہے میں نے دوسروں سے زیادہ اس ملک کے لئے کام کیاہے، جو کرنا ہے کر لیں میری جائیداد اللہ کی امانت ہے انہوں نے کہا کہ میر ا پاسپورٹ منسوخ ہو چکا ہے میں اب سفر نہیں کر سکتاآج میڈیا قید ہے میڈیا کو اٹھنا چاہئے اور قوم کو بتانا چاہئے کہ اس ملک میں کیا ہو رہا ہے میں نے ملک کے مفاد میں اپنامنہ بند کیا ہو ا ہے جب میرا منہ کھلا تو ساری دنیا دیکھے گی میں نہیں چاہتا کہ ملک کے معاملات باہر کی دنیا میں بیٹھ کر کروں۔
