اسلام آباد (نیوز ڈیسک) تحریک انصاف کے اہم رہنما اور وفاقی وزیر علی محمد خان کی نماز ادا کرتے تصویر پر عمران خان کی سابق اہلیہ ریحام خان نے شدید تنقید کی، جب سوشل میڈیا پر وفاقی وزیر مملکت برائے پارلیمانی امور علی محمد خان کی اپنے دفتر میں نماز پڑھنے کی تصویر وائرل ہوئی تو ریحام خان اس تصویر کو دیکھ کر بول پڑیں انہوں نے سوشل میڈیا پر علی محمد خان کی تصویر جس کے نیچے لکھا ہوا تھا کہ وفاقی وزیر
مملکت برائے پارلیمنٹری افیئرز علی محمد خان اپنے آفس میں نماز ادا کر رہے ہیں، اللہ پاک اپنے بارگاہ میں قبول فرمائے، آمین۔ اس کے جواب میں لکھا کہ خدا کا واسطہ ہے دین کو سیاسی مقاصد کے لیے استعمال کرنا بند کر دیں، تبدیلی لانے کے لیے گورننس کریں۔ عمران خان کی سابق اہلیہ ریحام خان کے اس پیغام کے بعد ٹوئٹر پر ایک بحث کا آغاز شروع ہو گیا، کسی نے حکومت کو شدید تنقید کا نشانہ بنایا تو کسی نے حمایت کی۔
