لاہور (نیوز ڈیسک) وزیراعلیٰ پنجاب عثمان بزدار نے سروسز ہسپتال لاہور کا دورہ کیا، جب وہ ہسپتال سے باہر آ رہے تھے تو اس موقع پر صحافیوں نے انہیں گھیر کر سوالات کی بوچھاڑ کر دی، جب وزیراعلیٰ پنجاب عثمان بزدار ہسپتال سے باہر آئے تو ایک صحافی نے سوال پوچھا کہ آپ کے وزراء کہتے ہیں کہ آپ کو فائلیں نہیں پڑھنی آتیں؟ اس پر وزیراعلیٰ عثمان بزدار نے حیران ہوتے ہوئے جواب کی بجائے
سوال کرتے ہوئے پوچھا کہ کیا مجھے فائلیں نہیں پڑھنی آتیں؟ اس پر صحافی نے کہا کہ جی ہاں سر آپ کا ہر طرف مذاق اڑایا جا رہا ہے، اس موقع پر صحافی نے مزید پوچھا کہ یہ کہا جا رہا ہے کہ آپ صرف چار مہینے ہی رہیں گے، صحافی کے اس سوال پر وزیراعلیٰ کے سکیورٹی اہلکاروں نے صحافیوں کو مزید سوالات سے روک دیا اور وزیراعلیٰ پنجاب عثمان بزدار وہاں سے چلے گئے۔
