اسلام آباد (نیوز ڈیسک) ایشیا کپ کے ایک اہم میچ میں گزشتہ روز بنگلہ دیش نے پاکستان کو شکست دے دی، اس شکست کے بعد پاکستانی ٹورنامنٹ سے باہر ہو گئی، اب بنگلہ دیش 28 ستمبر کو انڈیا کے خلاف ایشیا کپ کا فائنل کھیلے گی، پاکستانی کرکٹرز کی مایوس کن کارکردگی پر انہیں شدید تنقید کا نشانہ بنایا گیا، اس موقع پر معروف صحافی مبشر لقمان نے کہا کہ پاکستانی ٹیم انتہائی شاطرانہ انداز میں بنگلہ دیش سے خود ہاری، معروف صحافی نے ٹوئٹر پر اپنے پیغام میں کہا کہ
ایسا لگتا ہے کہ ہم نے مسلسل تیسری بار بھارت سے شکست سے بچنے کے لیے کامیابی حاصل کر لی ہے اور انتہائی شاطر انداز میں یہ ناخوشگوار کام بنگلہ دیش کو سونپ دیا ہے۔ واضح رہے کہ گزشتہ روز بنگلہ دیش نے ٹاس جیت کر پہلے بیٹنگ کرنے کا فیصلہ کیا اور اس نے 239 رنز بنائے اور پاکستان کو جیتنے کے لیے 240 کا ہدف دیا، اس ہدف کو پاکستانی ٹیم پورا نہ کر سکی اور پچاس اوورز میں نو وکٹ کے نقصان پر صرف 202 رنز ہی بنا سکی۔
