اسلام آباد(مانیٹرنگ ڈیسک)وزیراعظم ہاﺅس میں بھینسوں کی نیلامی جاری،اب تک دو بھینسیں نیلام ہو گئی ہیں تاہم بولی کے دوران بد نظمی بھی  دیکھنے میں آئی۔خریدار اور بولی لگانے والے آپس میں الجھ پڑے ۔نجی ٹی وی  کے مطابق وزیراعظم ہاﺅس میں آٹھ بھینسوں کی نیلامی جاری ہے جس میں دو فروخت بھی ہو گئی  ہیں تاہم خریداروں نے شکوہ کیا۔

بھینسوں کی اتنی قیمت نہیں جتنی لگائی جارہی ہے ، اس موقع پر وزیراعظم ہاﺅس میں بھینسوں کی بولی لگانے والے عملے  نے کہا ہے کہ یہ اوپن بولی ہے جس نے بھینس لینی ہے لے ورنہ واپس چلا جائے ، خریدار کو نقد رقم بھی ادا کرنا ہو گی ۔بھینسوں کی نیلامی کے دوران خریداروں اور بولی لگانے والے عملے کے دوران نوک جھونک بھی دیکھنے میں آئی۔

موضوعات:وزیر اعظم ہائوس