اسلام آباد(مانیٹرنگ ڈیسک)سعودی عرب اور متحدہ عرب امارات کی حکومتیں نواز شریف کو پسند نہیں کرتیں، ان کی پوری کوشش ہو گی کہ شریف خاندان کے خلاف اگر کوئی ثبوت ان کے پاس موجود ہے تو انہیں پاکستانی اداروں کیساتھ شیئر کیا جائے، معروف صحافی حامد میر نےسنسنی خیز انکشاف کر دیا۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی حامد میر نے انکشاف کیا ہے کہ کچھ نادان لوگ وزیراعظم
عمران خان کے سعودی عرب اور متحدہ عرب امارات کے دورے کو نواز شریف کی رہائی کیساتھ جوڑ رہے ہیں جو کہ بالکل غلط مفروضہ ہے۔ حامد میر نے انکشاف کرتے ہوئے کہا کہ سعودی عرب کی موجودہ رجیم اور متحدہ عرب امارات کی حکومت نواز شریف کو پسند نہیں کرتے اور وہ پاکستانی اداروں کیساتھ بھرپور تعاون کیلئے تیار ہیں کہ اگر ان کے پاس کوئی ثبوت شریفوں کے حوالے سے ہے تو وہ اسے اقامہ معاملے کی طرح شیئر کریں۔
