لاہور (این این آئی) سابق وزیرا عظم محمد نوازشریف سے چیئرمین ایف بی آر جہانزیب خان اورلیفٹیننٹ جنرل (ر) جاوید ناصر نے ملاقات کی اور ان کی اہلیہ کے انتقال پر دکھ کا اظہار کیااور مرحومہ کیلئے دعائے مغفرت بھی کی ۔ اس موقع پر چیئرمین ایف بی آر
جہانزیب خان اورلیفٹیننٹ جنرل (ر) جاوید ناصر نے کہاکہ بیگم کلثوم نواز نڈر اور بہادر خاتون تھیں۔انہوں نے مزید کہا کہ کلثوم نواز کا انتقال شریف خاندان کیلئے بہت بڑا صدمہ ہے، شریف خاندان اور مسلم لیگ (ن)کے دکھ میں برابر کے شریک ہیں۔
