لاہور(آئی این پی) گور نرہاؤس سیر کیلئے آنیوالوں سے گور نر چوہدری محمدسرور کی ملاقات ’’کھلی کچہری ‘‘میں بدل گئی ‘ لاہور میں آنیوالوں نے گور نر پنجاب کو اپنے مسائل کے حل کیلئے170سے زائد درخواستیں بھی دیدیں۔ذرائع کے مطابق گور نر ہاؤس لاہور میں سیر کیلئے آنیوالوں نے گور نر پنجاب چوہدری محمدسرور کو
دیکھتے ہی ان کو اپنے مسائل کے حل کیلئے درخواستیں دینا شروع کردیں جسکی وجہ سے شہریوں کی گور نر پنجاب سے ہونیوالی ملاقات کھلی کچہری میں بدل گئی اور گور نر پنجاب اس موقعہ پر شہر یوں کے مسائل کے حل کیلئے موقعہ پر احکامات کے ساتھ ساتھ گور نر ہاؤس کے عملے کو بھی مسائل کے حل کیلئے ہدایات دیتے رہے ۔
