اسلام آباد(این این آئی)سابق وزیر اعظم کی گاڑی کی ٹکر سے پنجاب پولیس کا ملازم جاں بحق ،گاڑی ڈرائیور چلا رہا تھا،میت پمز منتقل ،گاڑی تھانے میں بند کر دی گئی، سابق وزیر اعظم راجہ پرویز اشرف کی گاڑی کی ٹکر سے پنجاب پولیس کا ملازم جاں بحق ہو گیا ۔ تفصیلات کے مطابق سابق وزیر اعظم راجہ پرویز اشرف کی گاڑی کی ٹکر
سے پنجاب پولیس کا ملازم جاں بحق ہو گیا ۔جاں بحق ہونیوالا ذیشان عباسی پولیس کا ملازم ہے ۔پولیس نے ڈرائیور سمیت گاڑی تھانے میں بند کر دی ۔پولیس کے مطابق راجہ پرویز اشرف کی گاڑی انکا ڈرائیور چلا رہا تھا ۔ کانسٹیبل کی میت پمز منتقل کر دی گئی ۔ پنجاب پولیس کا کانسٹیبل مرحوم ذیشان راولپنڈی پولیس لائن میں تعینات تھا۔
