اسلام آباد (نیوز ڈیسک) بھارتی آرمی چیف کی جانب سے پاکستان کے حوالے سے ہرزہ سرائی پر پورے پاکستان سے ردعمل آ رہا ہے اور ہر کوئی اس کا جواب اپنے انداز سے دے رہا ہے، ایسے میں مستونگ دھماکے میں شہید ہونے والے سراج رئیسانی کے بیٹے جمال رئیسانی نے بھی بھارت کو للکارتے ہوئے سماجی رابطے کی ویب سائٹ ٹوئیٹر پر
اپنے پیغام میں کہا کہ بھارت پاکستان کا ازل سے دشمن ہے جو کبھی مذاکرات کے ذریعے معاملات حل ہوتا نہیں دیکھنا چاہتا، میرے گھر سے دو جنازے بھارت کی وجہ سے اٹھے اور ابھی تک یہ سلسلہ جاری ہے، ہم بھارت کے ساتھ 70 سالوں سے محاذ جنگ پر ہیں۔ جب تک بلوچ زندہ ہیں کشمیر کے حصول کے لیے جنگ جاری رہے گی۔
