اسلام آباد(مانیٹرنگ ڈیسک)جیل سے رہائی پاتے ہی مریم نواز ان ایکشن، پارٹی ضمنی الیکشن میں نواز شریف کے بیانیہ پر اہم کردار سونپنے کیلئے تیار۔ پاکستان کے مؤقر قومی اخبار روزنامہ جنگ کی رپورٹ کے مطابق مسلم لیگ ن نے نواز شریف کے بیانیہ کو بنیاد بناکر سیاسی لڑائی لڑنے کا فیصلہ کیا ہے۔ایون فیلڈ ریفرنس کیس میں سزا کی معطلی کے بعد میاں نواز شریف اوران کی بیٹی مریم نواز کارکنوں کومتحرک رکھنے کیلئے سیاسی سرگرمیاں شروع کر رہے ہیں ۔ جاتی امراء میں آج پارٹی رہنمائوں سے ضمنی انتخابات پر
مشاورت ہو گی۔خصوصی اجلاس میں نیب مقدمات پر قانونی ٹیم سے صلاح مشورہ کرکے آئندہ کی حکمت عملی طے کی جائے گی ،ذرائع کے مطابق مریم نواز ضمنی الیکشن میں پارٹی کارکنوں کو متحرک کرنے میں اہم کردار ادا کریں گی جس کیلئے وہ پوری طرح سے تیار ہیں جبکہ ن لیگ کے مرکزی رہنما بھی مریم نواز کونوازشریف کے بیانیہ کی بنیاد پراہم کردارسونپنے کو تیار ہیں۔واضح رہے کہ ایون فیلڈ ریفرنس کیس میں نوازشریف،مریم نواز اور کیپٹن ریٹائرڈ صفدرکی سزا کی معطی سے نواز شریف کے بیانیئے کو تقویت ملی ہے ۔
