اسلام آباد(مانیٹرنگ ڈیسک)سپریم کورٹ نے اثاثے تفصیلات طلبی کیس میں زرداری کی نظر ثانی درخواست سماعت کیلئے مقرر کر دی۔ تفصیلات کے مطابق سپریم کورٹ آف پاکستان نے اثاثے تفصیلات طلبی کیس میں سابق صدر اور پیپلزپارٹی کے کو چیئرمین آصف علی زرداری کی نظر ثانی درخواست سماعت کیلئے مقرر کر دی ہے
جبکہ دوسری جانب این آر او کیس بھی سماعت کیلئے مقرر کر دیا گیا ہے۔ آصف زرداری کی نظر ثانی درخواست کی سماعت چیف جسٹس آف پاکستان جسٹس میاں ثاقب نثار کی سربراہی میں تین رکنی بنچ 25ستمبر کو کریگا جبکہ این آر او اور پانامہ ریفرنسز منتقلی کیخلاف چیئرمین نیب کی اپیل بھی سماعت کیلئے مقرر کر دی گئی ہیں۔
