اسلام آباد(نیوز ڈیسک)ڈیم فنڈ میں 18 ستمبر تک 3 ارب 67 کروڑ 14 لاکھ سے زائد رقم جمع ہو گئی۔ پاکستانیوں نے اب تک 3 ارب 41 کروڑ 59 لاکھ روپے ڈیم فنڈ میں جمع کروائے ہیں۔ نجی ٹی وی کے مطابق  18 ستمبر تک 3 ارب 67 کروڑ 14 لاکھ سے زائد رقم جمع ہو گئی۔ پاکستانیوں نے اب تک 3 ارب 41 کروڑ 59 لاکھ روپے ڈیم فنڈ میں جمع کروائے ہیں جبکہ تارکین وطن نے 27 کروڑ 11 لاکھ سے زائد کی رقم ڈیم فنڈ میں عطیہ کی۔ یو اے ای

میں مقیم پاکستانیوں نے ساڑھے 3 کروڑ سے زائد رقم ڈیم فنڈ میں عطیہ کی۔ سعودی عرب نے 2 کروڑ جبکہ کینیڈا میں مقیم پاکستانیوں نے ڈیڑھ کروڑ سے زائد عطیات ڈیم فنڈ میں بھجوائے۔ 7 کروڑ 28 لاکھ سے زائد کے عطیات موبائل میسج کے ذریعے جمع ہوئے۔ واضح رہے کہ دیامر بھاشا اور مہمند ڈیم کی تعمیر کیلئے مجموعی طور پر 1362 ارب روپے درکار ہیں۔ دونوں ڈیموں کے انفراسٹرکچر کی تعمیر کیلئے 300 ارب اضافی درکار ہیں۔