لاہور(آئی این پی) بغیر اطلاع آنیوالے (ن) لیگ کے مر کزی رکن عبد القادر بلوچ اور سابق سپیکر پنجاب اسمبلی رانا محمد اقبال سمیت کئی قائدین کو سیکورٹی اہلکاروں نے جاتی امراء میں اندر جانے کی اجازت دینے سے انکار کر دیا۔ تفصیلات کے مطابق لاہور کے مختلف علاقوں سے تعلق رکھنے والے مرد و خواتین کارکنان بھی محمد نواز شریف اور ان کی صاحبزادی مریم نواز سے ملاقات کے لئے جاتی امراء پہنچے تاہم سکیورٹی اہلکاروں نے انہیں اندر جانے سے روک دیا اندر جانے کی اجازت نہ ملنے پر کارکنا ن بھی کچھ دیر انتظار کرنے کے بعد واپس گھروں کو روانہ ہو گئے ۔