اسلام آباد (مانیٹرنگ ڈیسک)ملک کے معروف صحافی، تجزیہ کار اور کالم نگار ہارون الرشید نے نجی ٹی وی پروگرام میں گفتگو کرتے ہوئے کہا کہ نوازشریف کے کرپشن کرنے میں کوئی شبہ نہیں ہے۔ یہ ایک وقتی فیصلہ ہے اور اس پر اخلاقی فتح کی بات کرنا غلط ہے ، اخلاق کا تو گزر بھی اس کوچے میں نہیں ہوا ۔ انہوں نے کہا کہ وقت کادھارا شریف خاندان کے حق میں نہیں ہے ۔ ان کی معصومیت کا نغمہ وہ لوگ
گاتے ہیں جن کے ان کے ساتھ مفادات ہیں۔ انہوں نے کہا کہ فلیٹس بھی موجود ہیں اور کرپشن بھی موجود ہے،منی لانڈرنگ ہوئی ہے ،تو کیا یہ سب کچھ مفروضہ ہے ؟انہوں نے کہا کہ اگر وکیل ڈھنگ سے دلائل نہ دے ، میں ان کی نیت پر شک نہیں کرتا لیکن اسلام آباد ہائیکورٹ میں نیب کے وکیل جس طرح ڈرے ڈرے اور سہمے سہمے سے تھے تو یہ تو اخبار نویسوں کوبھی پتہ چل رہا تھا کہ فیصلہ یہی ہوگا ۔
