لاہور( آن لائن )قومی ایئرلائن پی آئی اے کی سروس مکمل بند ہونے کا خدشہ، ایسا کام ہوگیا کہ کسی کے وہم و گمان میں بھی نہ ہوگا، انتہائی افسوسناک صورتحال،واجبات ادا نہ کرنے پر پاکستان سٹیٹ آئل (پی ایس او) انتظامیہ نے پی آئی اے طیاروں کیلئے ایندھن کی فراہمی بند کر دی۔ابتدائی طور پر پی آئی اے کی 2 پروازوں کوتیل کی فراہمی روکی
گئی ہے۔ جن پروازوں کو تیل کی فراہمی روکی گئی ہے ان میں کراچی سے لاہور آنے والی پی کے306 اورکراچی سے اسلام آباد جانے والی پی کے 370 شامل ہیں۔لاہورکی پروازکو گزشتہ روز شام7بجے اوراسلام آبادکی پروازکو گزشتہ روز رات9بجے روانہ ہونا تھا۔ پی آئی اے انتظامیہ کے مطابق اس معاملے پر پی ایس او سے مذاکرات جاری ہیں۔
