اسلام آباد (این این آئی)انسداد دہشت گردی کی خصوصی عدالت نے توہین رسالت کے الزام میں گرفتار ملزمان کی جانب سے مقدمہ سے دہشت گردی کی دفعات ختم کرنے کیلئے دائر درخواست خارج کر دی ہے۔ منگل کو انسداد دہشت گردی کی خصوصی عدالت دو نے سوشل میڈیا پر گستاخانہ خاکے جاری کرنے کے
الزام میں گرفتار ملزمان کے مقدمہ کی سماعت کی۔ عدالت نے گرفتار ملزمان انوار احمد ، ناصر احمد ،نعمان رفاقت اور عبدالوحید کی جانب سے انسداد دہشت گردی کی دفعات ختم کرنے کیلئے دائر درخواست فریقین کے دلائل مکمل ہونے پر خارج کر تے ہوئے مقدمے کی مذید سماعت دو اکتوبر تک ملتوی کر دی۔
