چارسدہ (آئی این پی ) بیوی کا سر دھڑ سے جد ا کرنے والا درندہ صفت شو ہر گرفتار۔ملزم نے مکان تنازعہ پر بیوی کو قتل کیا تھا ۔ آلہ قتل بھی برآمد ۔ ملزم کا اقرار جرم ۔ تفصیلات کے مطابق تفصیلات کے مطابق 15ستمبر کو شعیب ولد رحیم اللہ سکنہ ململے ترناب نے تھانہ چارسدہ میں اپنی بہن کی قتل کا مقدمہ نا معلوم ملزم کے خلاف درج کیا ۔ ڈسٹرکٹ پولیس آفیسر چارسدہ عرفان اللہ خان (پی ایس پی)نے لرزہ خیز قتل کا نوٹس لیتے ہوئے ایس پی انوسٹی گیشن چارسدہ نذیر خان ، ڈی ایس پی سٹی بشیر احمد خان ، ایس ایچ او تھانہ سٹی جوہر شید خان ، انسپکٹر ریاض خان

پر چھاپہ مار ٹیم تشکیل دیکر فوری طور پر ملزمان کی گرفتار ی،آلہ قتل کی برآمدگی کو یقینی بنانے کا حکم دیا ۔چھاپہ مار ٹیم نے فوری طور پر کارروائی کرتے ہوئے مقتولہ کے شوہر اسماعیل ولد چراغ الدین سکنہ قاضی خیل حال حصا رہ تک رسائی حاصل کرکے ملزم کو گرفتار کیا ۔ملزم نے دوران انٹاروگیشن اپنے جرم کا اعتراف کیا۔ ڈی ایس پی کے مطابق مقتولہ کو مکان کے تنازعے پر قتل کیا گیا جبکہ ملزم کے قبضہ سے آلہٰ قتل بھی برآمد کیا گیا۔اہل علاقہ نے پولیس کی بروقت کاروائی کرنے،ملزمان کی گرفتاری پر اطمینان کا اظہار کیا ۔