لاہور (آن لائن) سابق وزیراعظم میاں نواز شریف سے ان کی اہلیہ بیگم کلثوم نواز کی وفات پر اظہار تعزیت کیلئے گزشتہ روز پاکستان مسلم لیگ ن کے باغی رہنماء سہیل ضیاء بٹ نے جاتی امراء کا دورہ کر کے سابق وزیراعظم نوازشریف سے ملاقات کی اور ان کی اہلیہ کی وفات پر اظہار تعزیت کیا اس موقع پر سہیل ضیاء بٹ نے بیگم کلثوم نواز مرحومہ کے ایصال ثواب کیلئے دعا بھی کروائی سابق وزیراعظم نوازشریف سے گفتگو کرتے ہوئے سہیل ضیاء بٹ
کا کہنا تھا کہ بیگم کلثوم نواز ایک نڈر اور بہادر خاتون تھیں اور وہ ایک ایسی غیر متنازعہ شخصیت تھیں کہ آج ان کے انتقال پر ہر آنکھ اشکبار ہے اور لوگ ان سے بے پناہ چاہت کا اظہار کر رہے ہیں اس موقع پر عمر سہیل ضیاء بٹ سمیت دیگر لیگی قائدین بھی موجود تھے بعدازاں سہیل ضیاء بٹ بیگم کلثوم نواز مرحومہ کی قبر پر گئے اور وہاں پھولوں کی چادر چڑھائی اور ان کی روح کے ایصال ثواب کیلئے فاتحہ خوانی بھی کی۔
