لاہور (آن لائن) محکمہ داخلہ پنجاب نے سابق وزیر اعظم نواز شریف ان کی صاحبزادی مریم نواز اور داماد محمد صفدر کے پیرول پر رہائی میں پانچ روز کی توسیع کا باقاعدہ نوٹیفکیشن جاری کر دیا ہے۔ اس حوالے سے بتایا گیا ہے کہ اڈیالہ جیل میں قید شریف خاندان کے مذکورہ تینوں افراد کو بیگم کلثوم نواز کی وفات پر پہلے 12 گھنٹے کیلئے پیرول پر
رہا کیا گیا تھا۔ جس میں پنجاب حکومت نے انسانی ہمدردی کے تحت پیرول میں پانچ روز کی توسیع کر دی تاہم پیرول میں توسیع کی صوبائی کابینہ سے پیش نظر نوٹیفکیشن کا اجراء تاخیر کا باعث بنا۔ جاری کئے گئے نوٹیفکیشن کے مطابق شریف خاندان کے مذکورہ تینوں افراد کی پیرول پر رہائی کاوقت 17 ستمبر بروز پیر کی شام 4 بجے ختم ہا جائے گا۔
