اسلام آباد (نیوز ڈیسک) چیف جسٹس اور وزیراعظم کے ڈیم فنڈ میں رقوم جمع کرانے کا سلسلہ تیز ہو گیا، دیامیر بھاشا اور مہمند ڈیمز کی تعمیر کیلئے قائم کردہ فنڈ میں یومیہ اوسطاً 100 ملین روپے سے زائد کے عطیات جمع ہو رہے ہیں، سپریم کورٹ آف پاکستان کی رپورٹ کے مطابق چیف جسٹس آف پاکستان جسٹس میاں ثاقب نثار نے جولائی 2018ء میں اس ڈیم فنڈ کا آغاز کیا، جس کے بعد 6 جولائی سے 31 جولائی 2018ء تک اس مد میں

506.4 ملین روپے کے عطیات جمع ہوئے۔ اس کے بعد یکم اگست تا 31 اگست 2018ء کے دوران فنڈ میں 1215.8 ملین روپے جمع کرائے گئے۔ وزیراعظم عمران خان نے جب ڈیمز فنڈ کے لیے اپیل کی اور چیف جسٹس اور وزیراعظم ڈیمز فنڈ کو یکجا بھی کر دیا، اس کے بعد ڈیمز فنڈ کی وصولیوں میں نمایاں اضافہ دیکھنے میں آیا، یکم تا 11 ستمبر 2018ء صرف گیارہ روز کے اندر اس مد میں 1193.2 ملین روپے کے عطیات وصول ہوئے۔

موضوعات:ڈیم فنڈ