اسلام آباد(مانیٹرنگ ڈیسک)سابق وزیراعظم نواز شریف کی اہلیہ بیگم کلثوم نواز انتقال کر گئی ہیں، شہباز شریف نے بیگم کلثوم نواز کی وفاقت کی تصدیق کر دی ہے۔ شہباز شریف کا کہنا تھا کہ بیگم کلثوم نواز کے جسد خاکی کو پاکستان لانے کے بارے میں سوچ رہے ہیں۔ واضح رہے کہ بیگم کلثوم نواز کئی ماہ سے کینسر کے عارضے میں مبتلا تھیں اور لندن کے ہارلے اسٹریٹ کلینک میں زیر علاج تھیں۔ گزشتہ رات حالت خراب ہونے پر انہیں وینٹی لیٹر پر منتقل کر دیا گیا تھا جبکہ گردوں کےڈائیلائسز بھی کئے جا رہے تھے۔
بیگم کلثوم نواز نواز شریف اورمریم نواز کی وطن واپسی کے موقع پر لندن کے ہارلے سٹریٹ کلینک میں کومے کی حالت میں تھیں۔ نواز شریف وطن واپسی کے موقع پر بیگم کلثوم نواز کو کومے کی حالت میں ان سے مخاطب ہوتے رہے ۔ نجی ٹی وی نے نواز شریف کی کومے کی حالت میں بیگم کلثوم نواز سے باتیں کرنے کی ویڈیو نشر کی ہے جس میں دیکھا جا سکتا ہے کہ نواز شریف بیگم کلثوم نواز کو بیہوشی کی حالت میں مخاطب کرکے کہتے ہیں ، کلثوم آنکھیں کھولو!بائو جی، اللہ آپ کو صحت دے، تندرسی دے۔
