لاہور (این این آئی) مجھے کسی اور جگہ تعینات کر دیا جائے ،جونیئر سی ایس پی آفیسر کو سر نہیں کہہ سکتا،اعلیٰ عہدے پر فائز اہم شخصیت کی بغاوت،دوٹوک اعلان کردیا،تفصیلات کے مطابق پاور ڈویژن کے ایڈیشنل سیکرٹری اور ایم ڈی این ٹی ڈی ڈاکٹر عامر نے عہدے پر کام جاری رکھنے سے معذرت کر لی۔ ذرائع کے مطابق ڈاکٹر عامر نے اپنے سے جونیئر ترین افسر حسن ناصر جامی کو سپیشل سیکرٹری بنانے بارے اسٹیبلیشمنٹ ڈویژن کو تحریری آگاہ کرتے ہوئے
کہا کہ مجھے کسی اور جگہ تعینات کر دیا جائے ،جونیئر سی ایس پی آفیسر کو سر نہیں کہہ سکتا ۔دریں اثناء پنجاب حکومت نے پانچ افسران کے تقرر و تبادلے کے احکامات جاری کر دئیے ۔ نوٹیفکیشن کے مطابق منور حسین کو ایڈیشنل ڈپٹی کمشنر جنرل سیالکوٹ،وسیم احمد کو ڈپٹی سیکرٹری محکمہ قانون،محمد احمد کو ایڈیشنل سیکرٹری انڈسٹریز، زینب خان کو ڈائریکٹر آپریشن پی ڈی ایم اے ، ملک عبد الوحید کو ڈائریکٹر فنانس اوقاف تعینات کر دیاگیا ۔
