اسلام آباد (مانیٹرنگ ڈیسک )وفاقی حکومت کی جمعیت علمائے اسلام کے سربراہ مولانا فضل الرحمن کے چھوٹےبھائی ضیا الرحمان کو کمشنر افغان مہاجرین کے عہدے سے ہٹانے اور ان کے خلاف تحقیقات کی منظوری۔ نجی ٹی وی جیو نیوز کی رپورٹ کے مطابق وفاقی کابینہ نےمولانا فضل الرحمن کے چھوٹے بھائی ضیاالرحمان کو کمشنر افغان مہاجرین کے عہدے سے ہٹانے اور وزیراعظم کے مشیر برائے اسٹیبلشمنٹ ارباب شہزاد کو تحقیقاتی رپورٹ تیار کرنے کی ہدایت کی ہے ۔ ارباب شہزاد کو
کہاگیاہے کہ یہ پتا لگایا جائے کہ ضیاالرحمان کیسے بڑے عہدوں پر فائز ہوئے ۔اس حوالے سے وزیر اطلاعات فواد چوہدری کا کہناہے کہ ضیا الرحمان کے خلاف تحقیقات کا حکم دیا گیاہے ، وہ خوشاب میں ڈپٹی کمشنر تعینات کیے گئے تھے اور وہ اس عہدے پر کیسے فائز ہوئے یہ بھی پتا لگایا جائے گا ۔انہو ںنے کہا کہ ضیاالرحمان کو ہٹا کر ان کی جگہ دوسرے افسر کو تعینات کیا جائے گا ، انہیں پاناما کیس کے دوران کمشنر افغان مہاجرین لگایا گیا تھا ، پی ٹی آئی حکومت میرٹ کی پالیسی پر یقین رکھتی ہے ۔
