اسلام آباد( آن لائن)وفاقی دارالحکومت اسلام آباد میں محرم الحرم کی آمد سے قبل سکیورٹی خدشات کے پیش نذر موٹر سائیکل کی ڈبل سواری پر 2 ماہ کیلئے پابندی عائد کردی گئی‘ڈپٹی کمشنرشفقات علی نے ڈبل سواری پرپابندی کانوٹیفکیشن جاری کردیا۔تفصیلات کے مطابق اسلام آباد میں موٹر سائیکل کی ڈبل سواری پر 60 دنوں کیلئے پابندی
عائد کردی گئی‘جس کا ڈپٹی کمشنرشفقات علی باقاعدہ نوٹیفکیشن جاری کردیا۔نوٹیفکیشن کے مطابق متنازعہ لٹریچر،پمفلٹس کی اشاعت اوروال چاکنگ پربھی پابندی عائد ہو گی۔ڈپٹی کمشنر کا کہنا تھا کہ پابندی فوری طور پر نافذ العمل ہو گی‘جو کہ محرم الحرام کی آمد کے باعث سکیورٹی خدشات کے پیش نظر لگائی جارہی ہے۔