اسلام آباد (مانیٹرنگ ڈیسک )وزیراعظم عمران خان نے اپنے پیغام میں بیرون ملک مقیم پاکستانیوں سے ڈیم فنڈ میں رقم دینے اپیل کی تھی جس کے بعد پاکستانیوں کی بڑی تعداد نے دل کھول کر اپنا حصہ ڈالا ۔ ایک دلچسپ صورتحال تب پیدا ہوئی جب ایک میڈیا پر ایک بیان نشر ہوا جسے فیصل جاوید سے منسوب کیا گیا کہ امریکا میں مقیم ایک پاکستانی ایک ارب ڈالر ڈیم فنڈ میں دینا چاہتا ہے ۔ جبکہ حقیقت کھل کر سامنے آگئی کہ یہ ایک افواہ تھی جسے بغیر تصدیق کے پھیلا یا گیا ۔ جس کے بعد سوشل میڈیا پر

چہ مگوئیاں شرو ع ہو گئی کہ امریکا میں مقیم پاکستانی نژاد دنیا ککے نامور شخصیت شاہد خان نے پاکستان کو مبینہ طور پر ڈیم میں ایک ارب ڈالر دینے کی پیشکش کی ہے جبکہ اس کا خود معروف پاکستانی نژاد امریکی بزنس مین شاہد خان کی طرف سے کوئی اعلان نہیں کیا گیا ۔ اس حوالے سے سوشل میڈیا پر ایک صارف نے سکرین شاٹ شیئر کیا جس کے ردعمل میں سینیٹر فیصل جاوید نے واضح کر تے ہوئے کہا ہے کہ میں ایسا کوئی بیان نہیں دیا مجھ سے یہ بیان زبردستی جوڑا گیا اور اسے ہوا دی جاتی رہی ۔