اسلام آباد (مانیٹرنگ ڈیسک) سینئر صحافی غلام حسین نے ایک نجی ٹی وی چینل کے پروگرام میں گفتگو کرتے ہوئے کہا کہ 20 ارب وائٹ کرنے والے شہزاد سلیم ملک چھوڑ کر چلے گئے، سینئر صحافی نے کہا کہ وہ کچھ دن کی اجازت لے کر گئے لیکن ملک سے بھاگ گئے۔
اس موقع پر سعید قاضی نے کہا کہ میرے خیال میں وہ تمام چوروں اچکوں کو یہ پیغام دے گئے ہیں کہ سب لوگ یہاں سے بھاگ جاؤ۔ چوہدری غلام حسین نے کہا کہ خبر یہ ہے کہ انور مجید اور اونی گروپ والے آصف علی زرداری کے خلاف گواہ بن گئے ہیں اور دوسرے شہزاد سلیم آپ کو جھل دے کر بھاگ گئے ہیں، یہ وہی ہیں جنہوں نے بیس ارب روپے لانڈر کروائے فواد حسن فواد کے، جو سکیم ن لیگ نے چوروں اچکوں کے لیے بنائی اس کے ذریعے۔ جب ہم نے شہزاد سلیم سے پوچھا تو انہوں نے کہا کہ یہ سارے فواد حسن فواد کے نہیں ہیں بلکہ دس بارہ ارب ہو گا، معروف صحافی غلام حسین نے کہا کہ یہ چیئرمین نیب کہاں ہیں انہوں نے کسی کو پکڑنا بھی ہے یا نہیں۔ اس موقع پر سعید قاضی نے کہا کہ شہباز شریف کے بھی دو وعدہ معاف گواہ گھوم رہے ہیں اور سعد رفیق کے بھی کئی ایک وعدہ معاف گواہ ہیں لیکن وعدہ معاف گواہ کا مطلب ہے کہ مجرم کو معافی۔ سینئر صحافی غلام حسین نے کہا کہ وزیراعظم عمران خان سے کہیں کہ یہ سارا کچھ بند کرائیں۔ سینئر صحافی غلام حسین نے ایک نجی ٹی وی چینل کے پروگرام میں گفتگو کرتے ہوئے کہا کہ 20 ارب وائٹ کرنے والے شہزاد سلیم ملک چھوڑ کر چلے گئے، سینئر صحافی نے کہا کہ وہ کچھ دن کی اجازت لے کر گئے لیکن ملک سے بھاگ گئے۔ اس موقع پر سعید قاضی نے کہا کہ میرے خیال میں وہ تمام چوروں اچکوں کو یہ پیغام دے گئے ہیں کہ سب لوگ یہاں سے بھاگ جاؤ۔
