کراچی (این این آئی) سندھ اسمبلی کے ارکان کی تعلیمی قابلیت کے دلچسپ حقائق منظرعام پرآئے ہیں جس کے مطابق پیپلز پارٹی اور تحریک انصاف کے ارکان تعلیمی میدان میں سب سے پیچھے ہیں۔تفصیلات کے مطابق سندھ اسمبلی میں 38 مخصوص نشستوں پر منتخب 10 فیصد ارکان صرف انٹر پاس اور 15 فیصد نان گریجویٹ ہیں، پیپلزپارٹی کی ایک
خاتون رکن نے تعلیم حاصل ہی نہیں کی، پی ٹی آئی کی ایک خاتون رکن نے صرف آٹھ جماعتیں پڑھنے پرہی اکتفا کیا، 3 ارکان نے تعلیمی قابلیت کا ذکر ہی نہیں کیا جب کہ 5 ارکان کے پاس ماسٹرز ڈگری ہے۔دوسری جانب سندھ اسمبلی میں بیشتر قانون سازی انگریزی زبان میں ہوتی ہے لیکن کئی ارکان سندھ اسمبلی انگریزی زبان سے ناواقف ہیں۔
