ڈیرہ اسماعیل خان(این این آئی) پاکستان کے اہم شہر میں زیرِ زمین خوفناک گڑگڑاہٹ اور زمین ہلنے کے مسلسل واقعات ،خوفناک آوازیں آنا شروع،شدید خوف و ہراس، اسلام آباد سے ماہرین کی ٹیم پہنچ گئی،صوبہ خیبرپختونخوا کے شہر ڈیرہ اسماعیل خان کے علاقے کڑی شموزئی میں زیر زمین گڑگڑاہٹ کا معمہ حل کرنے کیلئے اسلام آباد سے ماہرین کی 5 رکنی ٹیم پہنچ گئی۔میڈیا رپورٹ کے مطابق سیسمک اور جیولوجسٹ ماہرین کی پانچ رکنی ٹیم نے سائنسی آلات سے

علاقے کا جائزہ لینا شروع کر دیا ۔واضح رہے کہ کڑی شموزئی میں گزشتہ ہفتے وقفے وقفے سے زیرِ زمین خوفناک گڑگڑاہٹ اور زمین ہلنے کے واقعات معمہ بنے ہوئے ہیں اور اہلِ علاقہ پر اسرار صورتحال سے پریشان ہیں۔دوسری جانب زیرِ زمین گڑگڑاہٹ اور جھٹکوں سے کئی گھروں میں دراڑیں پڑ گئی ہیں۔ ماہرین کی ٹیم 24 گھنٹے میں صورتحال کا جائزہ لے کر زیرِ زمین گڑگڑاہٹ اور زمین ہلنے کی وجوہات معلوم کرکے انتظامیہ کو رپورٹ پیش کریگی۔