پشاور (نیوز ڈیسک) اے این پی کے رہنما بشیر بلور کو 2012ء میں خود کش حملے میں مارا گیا، اس کے بعد ہارون بلور بھی عام انتخابات 2018ء میں خود کش حملے کی نذر ہو گئے، اب عوامی نیشنل پارٹی کے ایک اور رہنما کو بھانجے سمیت قتل کر دیا گیا ہے، میڈیا ذرائع کے مطابق خیبر پختونخوا میں

تہکال کے ایک علاقہ میں نامعلوم افراد نے فائرنگ کی جس کے نتیجے میں عوامی نیشنل پارٹی کے اُمیدوار ابرار خلیل جاں بحق ہو گئے، اے این پی کے رہنما صوبائی اسمبلی کے حلقہ پی کے 74 سے امیدوار تھے، اس فائرنگ کے نتیجے میں ابرار خلیل کے ساتھ ساتھ ان کا بھانجا بھی جاں بحق ہو گیاہے۔