گوجرانوالہ (آ ئی این پی) سیالکوٹ کے بعد پنجاب کے ایک اور اہم شہرمیں بھی ڈبل شاہ منظر عام پر ،شہریوں کو 60 کروڑکاچونا لگا دیاگیا،کھلبلی مچ گئی،پنجاب کے ضلع گوجرانوالہ میں ڈبل شاہ نے شہریوں کو 60 کروڑکاچونا لگا دیا،ملزم پراپرٹی کے کاروبار میں دوگنا اضافے کا لالچ دے کر کروڑوں لے کر فرارہوگیا۔تفصیلات کے مطا بق سیالکوٹ کے بعد گوجرانوالہ میں بھی ڈبل شاہ نمودار ہوگیا ہے، فیاض عالم نامی ملزم نے پراپرٹی کے کاروبار میں رقم دوگنی کرنے

کا لالچ دے کر لوگوں سے 60 کروڑ روپے بٹورے۔عید کے بعد جب لوگوں نے ملزم فیاض عالم سے رابطہ کیا تو کوئی جواب موصول نہیں ہوا جس پر لوگ ان کے گھر پہنچ گئے جہاں دروازے کو تالہ لگا ہوا تھا۔ابتدائی معلومات کے مطابق ملزم نے 60 کروڑ کا فراڈ کیا ہے۔ دوسری جانب متاثرین نے پولیس کا شکایت درج کرنے کی درخواست دی جس پر پولیس نے انہیں ایف آئی اے اور قومی احتساب بیورو (نیب)سے رابطہ کرنے کی ہدایت کرکے جان چھڑائی ہے۔