کراچی (این این آئی) کراچی میں 7سالہ بچی سے زیادتی اور قتل کے معاملے میں ملوث ملزم نے عدالت کے روبرو اعتراف جرم کرلیا ہے ۔بدھ کو ملیر کورٹ میں 7سالہ بچی کائنات سے زیادتی اور قتل کے معاملے کی سماعت ہوئی ۔عدالت کے روبرو مقتولہ کے بہنوئی عارف شاہ نے بیان قلمبند کراتے
ہوئے اعتراف جرم کرلیا ۔ملزم نے بیان میں کہا کہ وہ مقتولہ کے ساتھ زیادتی کرتا تھا اور مزاحمت پر پائپ سے مارتا تھا ۔بچی سے زیادتی کے معاملے پر میرا اپنی بیوی سے بھی جھگڑا ہوا تھا ۔مقتولہ کو زیادتی کے بعد تشدد کرکے قتل کیا ۔ملزم کے خلا ف تھانہ سچل میں مقدمہ درج ہے ۔
