اسلام آباد (مانیٹرنگ ڈیسک)عمران خان پہلے مرحلے میں 11رکنی کابینہ کے ساتھ حلف اٹھائیں گے، کپتان کی پاکستان الیون کے متوقع ارکان میں اسد عمر، خسرو بختیار، شیریں مزاری، چودھری سرور، عارف علوی ، شیخ رشید، فواد چوہدری، طارق بشیر، پرویز خٹک، غلام سرور خان شامل ہونگے۔ تفصیلات کے مطابق کپتان کی پاکستان الیون کےمتوقع ارکان کے سامنے آگئے ہیں اور عمران خان نے 11رکنی کابینہ کے ساتھ پاکستان کی ترقی کا میچ
شروع کرنے کا فیصلہ کیا ہے یعنی عمران خان 11رکنی کابینہ کے ساتھ حلف اٹھائیں گے۔ عمران خان کی متوقع کابینہ میں اسد عمر، خسرو بختیار، شیریں مزاری، چودھری سرور، عارف علوی ، شیخ رشید، فواد چوہدری، طارق بشیر، پرویز خٹک، غلام سرور خان شامل ہونگے جبکہ پنجاب کے وزیر اعلیٰ کا نام 10 اگست تک سامنے آجائے گا۔ ذرائع کے مطابق اراکین اسمبلی کی حلف برداری کیلئے قومی اسمبلی کا اجلاس 13اگست کو بلانے جانے کا امکان ہے۔
