اسلام آباد(مانیٹرنگ ڈیسک)میں منافق اور بزدل نہیں، سسٹم تبدیل کرنے کیلئے باہر نکل کر آئی ہوں، پاکستان تبدیل کرنے میں حصہ ڈالوں گی، قبائلی ہونے کی وجہ سے میری طبیعت جنگجوانہ ہے، عمران خان نے پہلے ہی دن مجھے کہا تھا کہ بہت بہادرہو آگے جاسکتی ہوڈیرہ غازی خان کے طاقتور لغاری خاندان کو الیکشن میں شکست دینے والی پی ٹی آئی رہنما زرتاج گل نے عمران خان
کے مشن کو اپنا مشن قرار دیدیا۔ تفصیلات کے مطابق نجی ٹی وی پروگرام میں گفتگو کرتے ہوئے ڈی جی خان کے طاقتور لغاری خاندان کو الیکشن میں شکست دینے والی پی ٹی آئی کی رہنما زرتاج گل وزیر کا کہنا تھا کہ میں منافق اور بزدل نہیں، سسٹم تبدیل کرنے کیلئے باہر نکل کر آئی ہوں، پاکستان تبدیل کرنے میں حصہ ڈالوں گی۔ زرتاج گل کا کہنا تھا کہ مجھے کسی پروٹوکول کی ضرورت نہیں،لوگ مجھے دیکھتے ہیں تو کہتے ہیں کہ دھی رانی آگئی۔ آدھے سے زیادہ ووٹ مجھے تقریر کی وجہ سے ملتے ہیں۔انہوں نے کہا کہ امیر غریب میں فرق نہیں ہوتا، ذہانت کی وجہ سے انسان آگے جاتا ہے،میں نے مورثی سیاست کو شکست دی،میں بتانا چاہتی تھی کہ خواتین بھی مردوں کی طرح نکل سکتی ہیں۔زرتاج گل وزیر کا مزید کہنا ہے کہ فاٹاکےلوگ سرحدوں کی حفاظت کرتے ہیں لیکن انکی خدمات کو تسلیم نہیں کیاجاتا،وزیر ستان اور جنوبی پنجاب پسماندگی کا شکار ہیں۔انہوں نے کہا کہ قبائلی ہونے کی وجہ سے میری طبیعت جنگجوانہ ہے، لوگ میراجذبہ دیکھ کر اپنی بیٹیوں کےنام زرتاج گل وزیر رکھتے ہیں،عمران خان کےناقدین عمران خان کو نہیں جانتے، جبکہ میں انہیں شروع دن سے بطور لیڈر جانتی ہوں۔انہوں نے کہا کہ چیئرمین پی ٹی آئی کے متعلق مزید کہا کہ عمران خان انتہائی سادہ ،دور اندیش لیڈر ہیں، انہوں نے مجھے پہلے دن ہی کہا کہ بہت بہادرہو آگے جاسکتی ہو۔زرتاج گل وزیر
کا کہنا ہے کہ عمران خان سادہ ہیں، پاکستان کےایک ایک پیسے کی حفاظت کریں گے،وہ نہ جھکتے ہیں، نہ بکتے ہیں، وہ کرپٹ نہیں، نہ کرپشن کرنے دیں گے۔انہوں نے یہ بھی کہا کہ خیبر پختون خوا میں کامیابی سے مخلوط حکومت چلائی، اپنے حلقے کے حوالے سے زرتاج گل کا کہنا تھا کہ ڈیرہ غازی خان میں خود ڈرائیو کر کے گلی محلے کی صورت حال دیکھوں گی۔
