اسلام آباد(مانیٹرنگ ڈیسک)چیئرمین تحریک انصاف اور متوقع وزیر اعظم عمران خان آج پارلیمانی پارٹی کے اجلاس میں شرکت کیلئے جب بنی گالہ سے مقامی ہوٹل میں گئے تو راستے میں لگے سکیورٹی روٹ پر عمران خان شدید برہم ہو گئے اور سخت ناراض ہوئے کہ انہیں اتنا پروٹوکول کیوں دیا گیا۔

انہوں نے کہا کہ انہیں صرف ضروری پروٹوکول دیا جائے ۔واضح رہے کہ عمران خان نے اس سے پہلے یہ اعلان کیا تھا کہ وہ پروٹوکول لیں گے نہ ہی کسی کو لینے دیں گے۔انہوں نے متوقع وفاقی اور صوبائی وزرا کو بھی کم سے کم پروٹوکول لینے کی ہدایت کی ہے۔